श्री गौतमस्वामी स्तोत्र
(आचार्य जिनप्रभ)
ॐ नमस्त्रिजगन्नेतुर,वीरस्याग्रिमसूनवे ।
समग्रलब्धिमाणिक्य - रोहणायेन्द्रभूतये ॥ १॥
पादाम्भोजं भगवतो गौतमस्य नमस्यताम् ।
वशीभवन्ति त्रैलोक्यसम्पदो विगतापदः ॥ २ ॥
तव सिद्धस्य बुद्धस्य पादाम्भोजरजःकणः।
पिपर्ति कल्पशाखीव कामितानि तनूमताम् ॥ ३ ॥
श्रीगौतमाक्षीणमहानसस्य तव कीर्तनात् ।
सुवर्णपुष्पां पृथिवीमुच्चिनोति नरश्चिरम् ॥ ४ ॥
अतिशेषतरां धाम्ना, भगवन्! भास्करी श्रियम्।
अतिसौम्यतया चान्द्रीमहो त भीमकान्तता ॥ ५ ।
विजित्य संसारमायाबीजं मोहमहीपतिंम् ।
नरः स्यान्मुक्तिराजश्रीनायकस्त्वत्प्रसादतः ॥ ६ ॥
द्वादशांगीविधौ वेधाः श्रीन्द्रादिसुरसेवितः ।
अगण्यपुण्यनैपुण्यं तेषां साक्षात् कृतोऽसि यैः ॥ ७॥
नमः स्वाहापतिज्योतिस्तिरस्कारितनुत्विषे ।
श्रीगौतमगुरो ! तुभ्यं वागीशाय महात्मने ॥ ८ ॥
इति श्री गौतम! स्तोत्र मंत्र ते स्मरतोऽन्वहम् ।
श्री जिनप्रभसूरेस्त्वं, भव सर्वार्थ सिद्धये ॥ ६ ॥
अगर कोई त्रुटी हो तो " तस्स मिच्छामी दुक्कडम ".
" जय जिनेन्द्र "
कृपया कमेंट बॉक्स में कोई भी स्पैम लिंक न डालें।